Të drejtat e njeriut janë të drejta e natyrshme për të gjitha qeniet njerëzore, pa dallim të kombësisë sonë, vendbanimit, gjinisë, origjinës kombëtare ose etnike, ngjyrës, fesë, gjuhës apo ndonjë statusi tjetër.

Ne jemi kemi të drejtë të barabartë në të drejtat tona njerëzore, pa diskriminim. Këto të drejta janë të ndërlidhura, të ndërvarura dhe të pandashme. Të drejtat universale të njeriut janë shprehur shpesh në formë të ligjeve, traktateve, marrëveshjeve, të drejtës ndërkombëtare zakonore, parime të përgjithshme dhe burime të tjera të së drejtës ndërkombëtare. Ligjet ndërkombëtare për të drejtat të njeriut përcaktojnë obligimet e qeverive për të vepruar në një mënyrë të caktuar ose të përmbahen nga akte të caktuara, me qëllim që të promovohen dhe mbrohen të drejtat e njeriut dhe liritë themelore të individëve apo grupeve.

Universale dhe të patjetërsueshme
Parimi i universalitetit të të drejtave të njeriut është një gur themel i ligjeve ndërkombëtare për të drejtat e njeriut. Ky parim është i pari që theksohet në Deklaratën Universale të të Drejtave të Njeriut në vitin 1948, dhe është përsëritur në shumë konventa ndërkombëtare për të drejtat e njeriut, në deklarata dhe rezoluta. Në vitin 1993 – Vjena, Konferenca e Botërore për të Drejtat e Njeriut, për shembull, vuri në dukje se detyra e shteteve është që të avancojë dhe të mbrojë të gjitha të drejtat e njeriut dhe liritë themelore, pavarësisht nga sistemet e tyre politike, ekonomike dhe kulturore.
Të gjitha shtetet anëtarë kanë ratifikuar së paku një, dhe 80 për qind e anëtarëve kanë ratifikuar katër ose më shumë prej marrëveshjeve ndërkombëtare për të drejtat e njeriut, duke reflektuar pajtimin e shteteve që krijon detyrime ligjore për ta që jep shprehje konkrete të universalitetit. Disa nga normat themelore të të drejtave të njeriut japin mbrojtje universale nga ana e ligjeve zakonore ndërkombëtare në të gjitha kufijtë dhe qytetërimet. Të drejtat e njeriut janë të patjetërsueshme. Ato nuk duhet t’i merren dikujt, përveç se në situata të caktuara dhe në pajtueshmëri me proceset adekuate. Për shembull, e drejta e lirisë mund të kufizohet nëse një person është fajtor për një vepër penale nga një gjykatë ligjore.

Të pavarura / të pandashme ..
Të gjitha të drejtat e njeriut janë të pandashme, pa marrë parasysh vallë ato janë të drejta civile dhe politike, siç është e drejta e jetës, barazia para ligjit dhe liria e shprehjes, të drejtat ekonomike, sociale dhe kulturore, siç është e drejta për të punuar, e sigurisë sociale dhe e arsimit, ose të drejtat kolektive, si e drejta e zhvillimit dhe vetëvendosjes – të gjitha të drejtat janë të pandashme, të ndërlidhura dhe të ndërvarura. Përmirësimi i një të drejte lehtëson avancimin e të tjerave. Gjithashtu, privimi i një të drejte ndikon negativisht në të tjerat.

Të barabartë ...
Mosdiskriminimi është një udhëkryq, një parim në të drejtën ndërkombëtare të të drejtave të njeriut. Parimi është i pranishëm në të gjitha traktatet kryesore të drejtave të njeriut dhe paraqet temën qendrore në disa nga konventat ndërkombëtare të të drejtave të njeriut, si Konventa Ndërkombëtare mbi Eliminimin e të Gjitha Formave të Diskriminimit Racor dhe Konventa për Eliminimin e të Gjitha Formave të Diskriminimit kundër Grave. Parimi vlen për të gjithë në aspektin e të drejtave dhe lirive të njeriut, dhe ndalon diskriminimin e bazuar në listën e pashtershme të kategorive si gjinia, raca, ngjyra dhe kështu me radhë. Parimi i mosdiskriminimit është plotësuar nga parimi i barazisë, siç thuhet në nenin 1 të Deklaratës Universale të të Drejtave të Njeriut: "Të gjitha qeniet njerëzore lindin të lirë dhe të barabartë në dinjitet dhe të drejta".