Aktiv.mk është platformë interneti që i kushtohet forcimit të bashkëpunimit midis organizatave qytetare nga sfera e të drejtave të njeriut dhe mediave, me qëllim që të lehtësohet shkëmbimi i ndërsjellë i informatave ndërmjet dy sektorëve dhe të kontribuohet në përparimin e të drejtave të njeriut dhe lirinë e shprehjes.
Aktiv.mk është i hapur për bashkëpunim me të gjitha organizatat qytetare, mediat dhe gazetarët që trajtojnë aspekte të ndryshme të të drejtave të njeriut dhe të lirisë së shprehjes. Aktiv organizatave qytetare iu mundëson që t’i përmirësojnë shkathtësitë e tyre për komunikim me mediat dhe në këtë mënyrë më lehtë t’i imponojnë temat e tyre në publik, ndërsa mediave, ndërkaq, iu mundësojnë që më lehtë t’i gjejnë temat nga sfera e të drejtave të njeriut dhe ekspertiza gjegjëse e tyre.
Aktiv.mk ka në dispozicion:
- Vegla dhe resurse për organizatat qytetare dhe mediat, në drejtim të përmirësimit të komunikimit të ndërsjellë dhe trajtimin cilësor të temave të lidhura me të drejtat e njeriut dhe lirinë e shprehjes;
- Kalendar të detajuar për planifikimin e ngjarjeve dhe të konferencave për shtyp të organizatave qytetare, me qëllim që të sigurohet mbulim më i madh mediatik;
- Storje hulumtuese multimediale kushtuar temave të ndryshme nga sfera e të drejtave të njeriut;
- Publikacione, analiza, konkurse dhe informata të shkurtra nga sfera e të drejtave të njeriut;
- Aplikacion për telefona android, përmes të cilit mund të paraqiten shkeljet e të drejtave të njeriut;
- Bllog-profile të organizatave qytetare, të cilat i kanë informatat më të rëndësishme për vetë organizatat, aktivitetet dhe ekspertizat e tyre;
- Kontakte të gazetarëve dhe të ekspertëve të medias që merren me aspekte të ndryshme nga të drejtat e njeriut.
Aktiv.mk është pjesë e projektit „Përforcim i bashkëpunimit midis organizatave qytetare dhe mediave për përparimin e të drejtave të njeriut dhe të lirisë së shprehjes“, të cilin e realizon Media Instituti Maqedoni (MIM), me mbështetjen financiare të Bashkimit Evropian, përmes Instrumentit për Demokraci dhe të Drejta të Njeriut (EIDHR, European Instrument for Democracy & Human Rights).
