Со тужбата како нематеријална штета побаруваат 11 милиони денари за трагично загинатиот матурант Мухамедали Јашари. Брачната двојка Џеваир и Фетие Јашари, која стана парадигма на борбата со училишното насилство, откако пред речиси три години го изгуби својот 17-годишен син, повторно е пред нова судска постапка со која ќе бараат од надлежните државни институции надомест за изгубениот син.

Семејството Јашари, преку своите правни застапници, адвокатите Оливер Вуксановиќ и Виолета Петкова, поднесоа тужба со која се бара да бидат обесштетени за загубата на синот Мухамедали Јашари, кој на 8 април 2011 година беше убиен во дворот на државното средно училиште „Здравко Цветковски“ во Скопје.