Како голем херој, на англиски јазик ја отпеа песната „Херој“ (Hero) од Витни Хјустон покажувајќи ја својата љубов кон музиката. Младата битолчанка Елена Петровска од Центарот за поддршка на лица со интелектуална попреченост „Порака“ од Битола настапи на манифестацијата „Можеме и сакаме да пееме“, како дел од кампањата „Попреченоста е прашање на перцепција“.
Здружението на слепите лица на Општина Велес ја претстави Конвенцијата на ОН за правата на лицата со попречениот подготвена на Брајово писмо и снимена во аудио формат, за време на седницата на Националното координативно тело за имплементација Конвенцијата, што се одржа во просториите на Владата на Република Северна Македонија.
Здружението на граѓани „Поврзани“, изминатиот петок, во едукативниот центар во Зоолошката градина во Скопје, организираше мултимедијален настан на кој беа претставени 3 кратки видеа кои промовираат образовна инклузија на децата со попреченост. Видеата претставуваат филмувана верзија на илустрираните раскази „Сите“, „Три Јовани и две Анастасии“ и „Еднакви, слични и различни суперхерои“.
Меѓуопштинското здружение „Мобилност“, во Делчево ја организираше втората работилница посветена на подигнување на свеста на пошироката јавност за проблемите на лицата со попреченост во однос на пристапноста на зградите, објектите и услугите.
Проектот „Попреченоста е прашање на перцепција“, го спроведуваат Институтот за медиуми и различности од Лондон, Македонскиот институт за медиуми и Националниот совет на инвалидските организации на Македонија.
Проектот е финансиран од Европската Унија, преку Европскиот инструментот за демократија и човекови права (ЕИДХР).
Оваа веб-страница е изработена со поддршка од Европската Унија. Содржината на оваа веб-страница е одговорност единствено на Институтот за медиуми и различности од Лондон и на никаков начин не ги одразува гледиштата на Европската Унија.
